2019 mein launch ho rahe smartphones mein camera ek behad important
part hai, aur bahut se consumers ko camera centric smartphone hi
chahiye. Jahaan 2018 yaani ki last year mein camera ki badhti ginti ek
trend raha hai, jaise ki dual, triple rear cameras, quad rear cameras,
penta rear cameras. Wahin is year mein camera ki quality mein
improvement aaya hai. Is saal lagbhag sabhi manufacturers apne
smartphone mein 48 MP ka rear camera de rahe hain aur 48 MP camera ka
trend ab naya hai.
Halaanki ye 48 MP ka camera 12 MP ki image click karta hai, lekin
badalte samay ke saath aur hamaare experience ke according, iski image
quality mein kaafi improvement hai. To aaiye dekhte hain ki kaun se aise
smartphones hain, jo 48 MP camera ke saath is samay India mein
available hain.
Redmi Note 7 Pro
China se pehle Redmi ne ye phone India mein launch kiya. Saath hi 48
MP camera ke saath ye India mein milne waala cheapest smartphone hai, jo
aapko image quality aur performance dono hi kaafi achhi deta hai. Redmi
Note 7 Pro ki ek aur highlight hai, 13,999 INR ke starting price ke
saath ismein milne waala Snapdragon 675 chipset.
Redmi Note 7 Pro mein diye gaye primary 48 MP rear camera ko f/1.79
aperture, Sony IMX586 sensor aur 6P lens ke saath fit kiya gaya hai.
Saath hi depth focusing ke liye 5 MP secondary camera bhi moujood hai.
Other features of Redmi Note 7 Pro
- 6.3 inch full HD+ LTPS in-cell display with Corning Gorilla Glass 5
- Octa Core Snapdragon 675 chipset
- 48+5 MP rear cameras
- 13 MP front camera
- 4000mAh battery with Qualcomm Quick Charge 4.0 support
- 4GB+64GB / 6GB+128GB storage
Vivo V15 Pro
Vivo V15 Pro ko iske 32MP pop selfie camera ke saath promote kiya
gaya hai, lekin saath hi ismein triple rear cameras bhi hain, jinmein
main 48 MP ka sensor hai. Ismein bhi 48 million quad pixel sensor hai,
jo f/1.8 aperture ke saath effectively 12 MP ki image click karta hai
aur ye waakyi mein kaafi improved pictures hain. Iske alawa ismein 8 MP
ka wide angle camera aur 5 MP ka depth focusing camera bhi included
hain. Is smartphone ki cost 28,990 INR hai.
Other features of Vivo V15 Pro
- 6.39 inch full HD+ Super AMOLED display
- Octa Core Snapdragon 675 processor
- 48+8+5 MP rear cameras
- 32MP front camera
- 3700mAh battery with dual Engine fast charging support
- 6GB+128GB storage
Oppo F11 Pro
Oppo F11 Pro, India mein isi month launch hua hai. Is smartphone ka
design to behtareen hai hi, lekin iski highlight iska 48 MP rear camera
hai. Oppo ko MediaTek Helio P70 chipset aur notchless display ke saath
launch kiya gaya hai. Iska 48 MP camera f/1.79 aperture, Sony IMX586
sensor, 6P lens, Ultra Night Mode aur Dazzle Color Mode jaise features
ke saath diya gaya hai. Saath hi ismein 5 MP ka secondary camera aur
front par 16 MP ka pop-up selfie camera hai. Is smartphone ki cost
24,990 INR hai.
Other features of Oppo F11 Pro
- 6.5 inch full HD+ display with Corning Gorilla Glass 5
- Octa Core MediaTek Helio P70 chipset
- 48+5 MP dual rear cameras
- 16 MP front camera
- 4000mAh battery
- 6GB+64GB storage
Honor View 20
Honor View 20 ki taraf India mein kaafi log attract huye aur iska
reason ye tha ki ye India mein punch-hole selfie camera ke saath launch
hone waala first smartphone tha. Saath hi is smartphone ke ek aur
feature ki taraf logon ka dhyaan gaya aur wo hai, 48 MP rear camera.
Honor View 20 ke saath hi India mein 48 MP rear camera phones ki
shuruaat hui.
Is smartphone mein dual rear cameras hain, jinmein main 48 MP ka
camera f/1.8 aperture aur Sony IMX586 sensor ke saath diya gaya hai.
Iski starting price 37,999 INR hai.
Other features of Honor View 20
- 6.4 inch full HD+ display
- Kirin 980 processor
- 48+TOF 3D rear cameras
- 25 MP front camera
- 4000mAh battery
- 6GB+128GB / 8GB+256GB variants
Moto One Vision (Upcoming Smartphone)
Motorola ke upcoming Android One smartphone ke rumors is waqt sabse
jyada charcha mein hai. Maana jaa raha hai ki Moto One Power, jo ki last
year aaya tha, ke successor ko company Moto One Vision ke naam se jaldi
hi announce kar sakti hai. Haal hi mein saamne aaye press renders se ye
lagbhag confirm hota dikh raha hai ki ismein puch-hole selfie camera
aur 48 MP main rear camera diya jayega. Saath hi tasveeron se pata
chalta hai ki ismein rear mounted fingerprint sensor hoga. Iske alawa is
handset ki ek aur highlight saamne aa rahi hai, wo ye ki Moto One
Vision mein Samsung ka Exynos 9610 chipset ho sakta hai.
Rumored features of Moto One Vision
- 6.2 inch full HD+ display
- Exynos 9610 chipset
- 48+5 MP rear cameras
- 3500mAh battery
- 3GB+32GB / 4GB+64GB