ASUS aur India ke Zen Mobiles mein hui takraar aur Delhi High Court ke decision ke baad, company ne apne Zenfone 6Z ko India mein aaj ASUS 6Z ke naam se launch kar diya hai. Is smartphone ki highlight hai, ismein diya gaya 48+13 MP ka dual flip camera, jise aap front aur rear, dono camera ki tarah use kar sakte hain.
Is smartphone mein 6.4 inch ki full HD+ Nano Edge IPS LCD display di gayi hai, jo ki aapko HDR 10 support aur Corning Gorilla Glass 6 ke saath milti hai. Saath hi Octa Core Qualcomm Snapdragon 855 chipset bhi hai aur Adreno 640 GPU bhi.
ASUS 6Z mein 48 MP ka flip camera, dual LED flash light, f/1.79 aperture, Laser AF, EIS aur Sony IMX586 sensor ke saath diya gaya hai. Ye camera quad bayer technology ke saath aapko 12 MP ke kaafi achhe aur detailed images offer karta hai. Ismein secondary camera 13 MP ka hai, jo ki 125 degree wide angle lens, f/2.4 aperture aur 4K 60fps video recording support ke sath aata hai. ASUS 6Z ke flip camera ke saath aap 180 degree panorama shots bhi kaafi achhe le sakte hain.
ASUS 6Z mein aapko Android 9.0 Pie OS ke saath Zen UI 6 diya gaya hai aur saath hi company ne aage ismein Android Q aur R update dene ki confirmation bhi di hai. Iske alawa aapko ismein 5000mAh ki big battery, Quick Charge 4.0 fast charging support ke saath milti hai.
Triple card slots ke saath aane waale is smartphone ko Midnight Black aur Twilight Silver color options mein Flipkart par June 26th se purchase kiya jaa sakta hai. Is handset ke three storage options launch huye hain, jinmein 6GB RAM ke saath 64GB internal storage variant ka price 31,999 INR hai, 6GB RAM ke saath 128GB ROM version ki cost 34,999 INR hai aur 8GB RAM ke saath 256GB version ko aap 39,999 INR mein kharid sakte hain.
Buy From Flipkart :- http://fkrt.it/sqoWffuuuN
I know your expertise on this. I must say we should have an online discussion on this. Writing only comments will close the discussion straight away! And will restrict the benefits from this information. Gear Hint
ReplyDeletePost a Comment